କୁକୁଡ଼ାଖଣ୍ଡି,୧୪/୧୦(ଇ .ରଞ୍ଜନ):-କୁକୁଡ଼ାଖଣ୍ଡି ସରକାରଙ୍କ ନିର୍ଦ୍ଦେଶାନୁସାରେ ସୋମବାର ବୋରିଗାଁ ପଞ୍ଚାୟତ କାର୍ଯ୍ୟାଳୟ ରେ ପଞ୍ଚାୟତ ସ୍ତରୀୟ ଅଭିଯୋଗ ଶୁଣାଣୀ ଶିବିର ଅନୁଷ୍ଠିତ ହୋଇଛି। ସରପଞ୍ଚ ସସ୍ମିତା ସାହୁ ଙ୍କ ସହଯୋଗରେ ଆୟୋଜିତ ଏହି ଶିବିରରେ ବିଭିନ୍ନ ବିଭାଗର ଅଧିକାରୀମାନେ ଉପସ୍ଥିତ ରହି ଗ୍ରାମବାସୀଙ୍କ ସମସ୍ୟା ଶୁଣିଥିଲେ।ଏହି ଶୁଣାଣୀ ରେ ବିଡିଓ ପଲ୍ଲବୀ ସ୍ବାଇଁ,ତହସିଲଦାର ରାଜକିଶୋର ପଟ୍ଟନାୟକ, ଅତିରିକ୍ତ ବିଡିଓ ସୁପ୍ରଭା ସାହୁ, ସାମାଜିକ ସୁରକ୍ଷା ଅଧିକାରୀ ମନୋଜ ପ୍ରଧାନ,ସହକାରୀ ଯନ୍ତ୍ରୀ ଅନୁରାଗ ରଥ, ଶିକ୍ଷା ଅଧିକାରୀ ସନ୍ତୋଷ ମହାପାତ୍ର, ସମିତି ସଭ୍ୟ ସନ୍ତୋଷ ସାହୁ, ପଞ୍ଚାୟତ କାର୍ଯ ନିର୍ବାହୀ ଅଧିକାରୀ ପି ରାଜେଶ ରାଓ ଓ ସରପଞ୍ଚ ପ୍ରତିନିଧି ବାବୁଲା ସାହୁଙ୍କ ସମେତ ଅଙ୍ଗନବାଡ଼ି କର୍ମଚାରୀ, ଆଶା କର୍ମୀ, ଏମବିକେ, ପଶୁଚିକିତ୍ସାଳୟ ଡକ୍ଟର ଙ୍କ ସମେତ ବିଭିନ୍ନ ବିଭାଗର ଅଧିକାରୀ ମାନେ ଉପସ୍ଥିତ ରହିଆସିଥିଲେ।
ଏଥିରେ ପ୍ରାୟ ଶହେ ରୁ ଅଧିକ ଅଭିଯୋଗ ଆସିଥିଲା — ରାସ୍ତା ମରାମତି, ରାସନ କାର୍ଡ, ପେନସନ, ଆବାସ ଯୋଜନା, ଜମି ପଟ୍ଟା, ସୁଭଦ୍ରା ଯୋଜନା ଓ ବିଦ୍ୟାଳୟ ସମସ୍ୟା ଭଳି ବିଭିନ୍ନ ମୁଦ୍ଦା ଉଠିଥିଲା। କିଛି ଅଭିଯୋଗକୁ ସ୍ଥଳୀୟ ଭାବେ ସମାଧାନ କରାଯାଇଥିଲା।ପ୍ରଶାସନ ପକ୍ଷରୁ ଆଶ୍ୱାସନ ଦିଆଗଲା ଯେ ସମସ୍ତ ସମସ୍ୟାକୁ ପ୍ରାଥମିକତା ଭିତ୍ତିକ ଉପରେ ସମାଧାନ କରାଯିବ। ଗ୍ରାମବାସୀମାନେ କହିଛନ୍ତି ଯେ ଏହି ପଦକ୍ଷେପ ଫଳରେ ସେମାନେ ନିଜ ସମସ୍ୟା ସିଧାସଳଖ ଭାବରେ ପ୍ରଶାସନ ସମ୍ମୁଖରେ ରଖିପାରୁଛନ୍ତି। ସମଗ୍ର ଶିବିର ସଫଳ ଭାବେ ଅନୁଷ୍ଠିତ ହୋଇଥିଲା।
