ଜଗଦଳପୁରରେ ଡାକ ମେଳା: ପୋଷ୍ଟାଲ ପେମେଣ୍ଟ ବ୍ୟାଙ୍କ ଓ ପୋଷ୍ଟାଲ ଜୀବନ ବୀମା ନେଇ ସଚେତନତା l

କୁକୁଡାଖଣ୍ଡି,୧୪।୦୭(ଇ ରଞ୍ଜନ ):-କୁକୁଡାଖଣ୍ଡି ଦକ୍ଷିଣାଞ୍ଚଳ ଡାକ ବିଭାଗ ବ୍ରହ୍ମପୁର ଆନୁକୂଲ୍ୟରେ ଜଗଦଳପୁର ଡାକଘର ସହଯୋଗ ରେ ଗ୍ରାମର ଠାକୁରାଣୀ ମନ୍ଦିର ପାଠାଗାର ପରିସରରେ ଏକ ଡାକ ମେଳା ଅନୁଷ୍ଠିତ ହୋଇଯାଇଛି। ଗ୍ରାମୀଣ ଡାକ ସେବକ କୈଳାଶ ଗମାଙ୍ଗଙ୍କ ସହଯୋଗରେ ଆୟୋଜିତ ଏହି ମେଳାରେ ବ୍ରହ୍ମପୁର ଡାକ ବିଭାଗର ଡାକ ଅଧୀକ୍ଷକ ସୁଧାଂଶୁ ଶେଖର ପାଢ଼ୀ, ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ ସଂମ୍ମାନିତ ଅତିଥି ଦକ୍ଷିଣାଞ୍ଚଳ ଡାକ ନିରୀକ୍ଷକ ଲଲାତେନ୍ଦୁ ଚାନ୍ଦ, ବୀମା ଉର୍ଣ୍ଣୟନ ଅଧିକାରୀ ରୁଦ୍ର ଶଙ୍କର ସାହୁ,ଆଇ.ପିପି.ବି ମ୍ୟାନେଜର ତିଳତ୍ତମା ସେଠି,ଅବର୍ଷର ସୌଧାଘର ପରିଡା, ରାଧାକାନ୍ତ ସାବତ ଯୋଗଦେଇଥିଲେ।ମେଳାରେ ଡାକ ବିଭାଗ ଦ୍ୱାରା ଯୋଗାଇ ଦିଆଯାଉଥିବା ବିଭିନ୍ନ ସେବା ଉପରେ ଗୁରୁତ୍ୱାରୋପ କରାଯାଇଥିଲା। ବିଶେଷ କରି ପୋଷ୍ଟାଲ ଜୀବନ ବୀମା ଓ ଗ୍ରାମୀଣ ପୋଷ୍ଟାଲ ଜୀବନ ବୀମା ବିଷୟରେ ଉପସ୍ଥିତ ଜନସାଧାରଣଙ୍କୁ ସଚେତନ କରାଯାଇଥିଲା।ଡାକ ଅଧିକାରୀମାନେ କହିଥିଲେ ଯେ ଇଣ୍ଡିଆ ପୋଷ୍ଟ ପେମେଣ୍ଟସ ବ୍ୟାଙ୍କ ମାଧ୍ୟମରେ ଗ୍ରାମାଞ୍ଚଳରେ ତ୍ୱରିତ ବ୍ୟାଙ୍କିଂ ସେବା ଯୋଗାଇ ଦିଆଯାଉଛି। ଲୋକମାନଙ୍କୁ ଏହି ସେବା ସହ ଯୋଡ଼ି ହେବାକୁ ଏବଂ ଡାକ ବିଭାଗ ସହ ଆର୍ଥିକ ଅନ୍ତର୍ଭୁକ୍ତିକରଣରେ ସାମିଲ ହେବାକୁ ଆହ୍ୱାନ କରାଯାଇଥିଲା।ଏହି ଡାକ ମେଳାରେ ବହୁ ସଂଖ୍ୟାରେ ଦିବ୍ୟାଙ୍ଗ ବ୍ୟକ୍ତି ମଧ୍ୟ ଉପସ୍ଥିତ ଥିଲେ। ସେମାନଙ୍କୁ ବୀମା ସୁବିଧା ଯୋଗାଇ ଦେବା ସହ ଆର୍ଥିକ ବିକାଶରେ ଉନ୍ନତି ଆଣିବା ଦିଗରେ ଡାକ ବିଭାଗ ପକ୍ଷରୁ ପ୍ରୟାସ କରାଯାଇଛି।କାର୍ଯ୍ୟକ୍ରମରେ ସ୍ଥାନୀୟ ଜନସାଧାରଣଙ୍କ ଉତ୍ସାହଜନକ ଉପସ୍ଥିତି ଦେଖିବାକୁ ମିଳିଥିଲା। ସଂମ୍ମାନିତ ଅତିଥି ଭାବେ ସ୍ଥାନୀୟ ସାମ୍ବାଦିକ ଇଶ୍ୱର ସେଠି, ସଞ୍ଜୟ ବିଶ୍ୱାଳ ଏବଂ ଇ ରଞ୍ଜନ ଙ୍କୁ ଡାକ ବିଭାଗ ପକ୍ଷରୁ ଉତ୍ତରୀୟ ଦେଇ ସଂମ୍ମାନିତ କରାଯାଇଥିଲା l