ହଳଦିଆପଦର ନିକଟରେ ମହିଳାଙ୍କ ବେକରୁ ସୁନା ଚେନ ଲୁଟ ଘଟଣାରେ ୩ଗିରଫ l

ବ୍ରହ୍ମପୁର,୧୮/୨(କଳିଙ୍ଗ ଜାଗରଣ ବ୍ୟୁରୋ):-ବ୍ରହ୍ମପୁର ଗୋଳନ୍ଥରା ଥାନା ଅଧୀନ ହଳଦିଆପଦର ନିକଟରେ ମହିଳାଙ୍କ ବେକରୁ ସୁନା ଚେନ ଲୁଟ କରିବା ଘଟଣାରେ ପୋଲିସ ଜରଡା ଥାନା ଅନ୍ତର୍ଗତ ପାତ୍ରପୁର ବଡ ସାହିର ରଞ୍ଜନ ସାହୁ (୨୨) ଓ ମୁରଲୀ ସେଠୀ(୨୬ ) କୁ ଗିରଫ କରିଛି l ଏଥିସହ ଲୁଟ ସୁନା କିଣୁଥିବା ଅଭିଯୋଗରେ ବୁରାତଳ ର ଗୋବର୍ଦ୍ଧନ ନାୟକ କୁ ମଧ୍ୟ ଗିରଫ କରିଛି। ଏବଂ ସେମାନଙ୍କ ନିକଟରୁ ଗୋଟିଏ କେଟିଏମ ମୋଟରସାଇକେଲ (ଓଡି ୩୩ ଏ ଏଲ ୬୪୪୮), ୩ ଟି ମୋବାଇଲ ଫୋନ,୪୮ ହଜାର ଟଙ୍କା,୨୬.୧୪ ଗ୍ରାମ ଓଜନର ସୁନା ନେକେଲସ,୫୩.୯୨ ଗ୍ରାମ ଓଜନର ୩ ଟି ସୁନା ଚେନ ସହ ୧.୧୯ ଗ୍ରାମ ଓଜନର ତିନୋଟି କାନଫୁଲ ଜବତ କରାଯାଇଛି l