ବ୍ରହ୍ମପୁର,୨୫/୧୧(ବିଜୟ ଗୌଡ଼):-ଗଂଜାମ ଜିଲ୍ଲା ବାହାଦୁରପେଟା, ଆଶା ପବ୍ଲିକ ସ୍କୁଲରେ ତାରିଖ ଦିନ ଦିନିକିଆ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି । ଏହି ଅବସରରେ ମୁଖ୍ୟଅତିଥି ଭାବରେ ଡୁରା ମହାବିଦ୍ୟାଳୟ ର ଉଦ୍ଭିଦ ବିଜ୍ଞାନ ପ୍ରଫେସର ଶ୍ରୀମତୀ ଡ. ଅଳକା ସାହୁ ଯୋଗଦେଇ ବିଜ୍ଞାନ ମେଳାକୁ ଉଦ୍ଘାଟନ କରିଥିଲେ ।ଏହି ଅବସରରେ ମୁଖ୍ୟଅତିଥି ଛାତ୍ରଛାତ୍ରୀଙ୍କ ଦ୍ୱାରା ପ୍ରଦର୍ଶିତ ସମସ୍ତ ପ୍ରୋଜେକ୍ଟ ବୁଲି ଦେଖିଥିଲେ ।

ବିଜ୍ଞାନର ଅଗ୍ରଗତି ସହିତ ସଭିଏଁ ଏବେ ସ୍ମାର୍ଟ ଯୁଗରେ ପ୍ରବେଶ କରିଛନ୍ତି । ସମସ୍ତ କ୍ଷେତ୍ରରେ ବିଜ୍ଞାନ ଓ ପ୍ରଯୁକ୍ତି ବିଦ୍ୟାର ବହୁଳ ବ୍ୟବହାର ହେଉଛି । ଏଭଳି ସ୍ଥିତିରେ ଛାତ୍ରଛାତ୍ରୀଙ୍କ ମଧ୍ୟରେ ବିଜ୍ଞାନର ଗୁରୁତ୍ୱ ଓ ବିଜ୍ଞାନକୁ ବୁଝିବା ପାଇଁ ଏହି ବିଜ୍ଞାନ ମେଳା ଅନୁଷ୍ଠିତ ହୋଇଥିଲା । ଛାତ୍ରଛାତ୍ରୀ ବିଜ୍ଞାନ ଓ ପ୍ରଯୁକ୍ତି ବିଦ୍ୟାର ବିଭିନ୍ନ ପ୍ରୋଜେକ୍ଟମାନ ତିଆରି କରିଥିଲେ।




