କୁକୁଡାଖଣ୍ଡି,୦୭/୧୧(ଇ .ରଞ୍ଜନ):-କୁକୁଡାଖଣ୍ଡି ତହସିଲ ଅଧୀନରୁ ପ୍ରତିଦିନ ଦିବାରାତ୍ର ବେଧଡକ ଭାବେ ମାଫିଆ ମାନେ ମୋରମ ଲୁଟୁଛନ୍ତି। ପ୍ରତିବାଦ କଲେ ବିଭିନ୍ନ ପ୍ରକାର ଭୟ ଦେଖାଉଥିବା ଅଭିଯୋଗ ହୋଇଛି। ଏହି ବ୍ୟବହାର ରେ ଅତିଷ୍ଟ ହୋଇ କୁକୁଡାଖଣ୍ଡି ବ୍ଲକ ଗୁରୁଣ୍ଠି ସରପଞ୍ଚ ବି ମାଗତା ପାତ୍ର,ପୂର୍ବତନ ସରପଞ୍ଚ ପରମା ନନ୍ଦ ସାହୁ, ପୂର୍ଣ୍ଣ ନାୟକ ଙ୍କ ସହ ୱାର୍ଡ ମେମ୍ବର ଗ୍ରାମବାସି ମାନେ ମୋରମ ଚାଲାଣ ହେଉଥିବା ସ୍ଥାନକୁ ଯାଇ ପ୍ରତିବାଦ କରିଥିଲେ। ଗୁରୁଣ୍ଠି ପଞ୍ଚାୟତ ର ୭ ଏକର ପରିମିତ ୬୯୫୫ ପଟା ନମ୍ବର ର ଚରଡ଼ିଆ ଗାଇଗୋଠ ପଡିଆ ରୁ ମୋରମ ବେଧଡକ ଭାବେ ଚାଲାଣ ହୋଇ ରିଙ୍ଗ ରୋଡ଼ କାମରେ ବ୍ୟବହାର ହେଉଥିବା ଅଭିଯୋଗ ହୋଇଛି।
ଯାହା ଦ୍ୱାରା ଗ୍ରାମର ପରିବେଶ ନଷ୍ଟ ହେବା ସହ ଗାଇ ଗୋଠ ଗୁଡିକ ଆଉ ଚରିବା କୁ ସୁବିଧା ହୋଇପାରୁନାହିଁ। ଗ୍ରାମବାସୀ ମାନେ ପ୍ରତିବାଦ କରିଲେ ବିଭିନ୍ନ ପ୍ରକାର ଭୟ ମାଫିଆ ମାନେ ଦେଖାଉଥିବା ମଧ୍ୟ ଗ୍ରାମବାସୀ ଅଭିଯୋଗ କରିଛନ୍ତି। ପଂଚାୟତ ନିକଟରେ ଶ୍ରୀରଙ୍ଗରାଜ ପୁର,ଗୁରୁଣ୍ଠି, ନୂଆଗାଁ, ଯୋଗିଆପଲି ଆଦି ଅଂଚଳ ରେ ପ୍ରତିଦିନ ମୋରମ ଚାଲାଣ ହେଉଥିବା ଗୁରୁଣ୍ଠି ସରପଞ୍ଚ ଅଭିଯୋଗ କରିଛନ୍ତି। ଗ୍ରାମବାସୀ କ ପ୍ରତିବାଦ ବେଳେ କିଛି ମୋରମ ଚାଲାଣକାରି ମାନେ ପହଂଚି ଖଣି ବିଭାଗ ର ଅନୁମତି କ୍ରମେ ମୋରମ ଚାଲାଣ କରୁଥିବା ନେଇ ଗ୍ରାମବାସି ଙ୍କ ସହ ଯୁକ୍ତିବାଢିଥିଲେ। ଅନ୍ୟପକ୍ଷେ ଗୋଚର ଜମି କୁ କେମେତି ଖଣି ବିଭାଗ ମୋରମ ଖନନ ପାଇଁ ଅନୁମତି ଦେଲା କିପରି ବୋଲି ଗ୍ରାମବାସୀ ମାନେ ପ୍ରଶ୍ନ କରିଛନ୍ତି। ଏନେଇ କୁକୁଡାଖଣ୍ଡି ବ୍ଲକ ଖଣି ବିଭାଗ ଦାଇତ୍ୱ ରେ ଥିବା ରାମ ସୋରେନ କହିଛନ୍ତି ଅଭିଯୋଗ ହୋଇଥିଲା କାମ ବନ୍ଦ କରିଛୁ।
