ବ୍ରହ୍ମପୁର,୦୫/୧୦(କଳିଙ୍ଗ ଜାଗରଣ ବ୍ୟୁରୋ):-ନାରୀ ଯେ ସକାଳ ଶକ୍ତିର ଆଧାର ଏ କଥା ସ୍ମରଣ କରିବା ପାଇଁ ପାଳିତ ହୁଏ ଦଶହରା ପର୍ବ l ପୃଥିବୀରୁ ପାପ ଶକ୍ତି ବିନାଶ କରି ସତ୍ୟ ପଥରେ ଆଗେଇବା ପାଇଁ ଶକ୍ତି ରୂପିଣୀ ମା ଦୁର୍ଗାଙ୍କ ଆଶ୍ରିବାଦ କାମନା କରାଯାଏ l ଏହି ପର୍ବରେ ଅନ୍ଧାରରୁ ଆଲୋକ କରି ଧର୍ମ ନ୍ୟାୟ ପଥ ଆପଣାଇବା ପାଇଁ ଏହି ପର୍ବ ର ମହାନ ପରମ୍ପରା ଆଉ ଏକ ପୂଜନ ହେଉଛି କନ୍ୟା ବନ୍ଦନା କିମ୍ବା କନ୍ୟା ପୂଜା l ଏହା ନବରାତ୍ର ଦିନ ଅନୁଷ୍ଠିତ ହୋଇଥାଏ ସେହିଦିନ ଦେବୀ ଦୁର୍ଗାଙ୍କ ପୀଠରେ ଷୋହଳ ଜଣ ସ୍ୱଳ୍ପ ବୟସର କନ୍ୟାଙ୍କୁ ଦେବୀ ମାନସୀ ସେମାନଙ୍କର ପୂଜା ବନ୍ଦାପନା କରାଯାଇ ଦେବୀଙ୍କ ଭଳି ଆଭୁଷଣରେ ମଣ୍ଡିତ କରାଯାଏ l
ସେମାନଙ୍କ ପାଦ ଧୋଇ ଅଳତା ଲଗାଇବା ସହ ସେମାନଙ୍କଠାରୁ ଆଶ୍ରିବାଦ କାମନା କରାଯାଇଥାଏ l ବିଶ୍ୱାସ,ଯେ ସେମାନଙ୍କଠାରୁ ଆଶ୍ରିବାଦ ପ୍ରାପ୍ତ ହେଲେ ସକଳ ସିଦ୍ଧି ହୋଇଥାଏ ବୋଲି ନାରୀ ଯେ ସକଳ ଶକ୍ତିର ପ୍ରତୀକ ତାହା ଏହି କନ୍ୟା ପୂଜନର ମହତ୍ୱ ପ୍ରତିପାଦିତ କରିଥାଏ l ଗୋଦାବରୀଶ ନଗର ସ୍ଥିତ ସମାଜସେବକ ସାମ୍ବାଦିକ ରମେଶ ଚନ୍ଦ୍ର ପାତ୍ରଙ୍କ ଉଦ୍ୟମରେ ଗତ ନବମୀ ଦିନ ଏହି କନ୍ୟା ଉତ୍ସବ ଅନୁଷ୍ଠିତ ହୋଇ ଷୋହଳ କନ୍ୟାଙ୍କଠାରୁ ସେ ଆଶ୍ରିବାଦ କାମନା କରିଥିଲେ l
