ବ୍ରହ୍ମପୁର,୦୯/୮(ସପନ ଦାସ):-ଆଜି ରାକ୍ଷୀ ପୂର୍ଣ୍ଣିମା ଅବସରରେ ଶେରଗଡ ବ୍ଲକ ଅନ୍ତର୍ଗତ ବାକିଲିକଣା ଗ୍ରାମର କବି ନରସିଂହ ମଠ ଦୃଷ୍ଟିହୀନ ଓ ବଧିର ବିଦ୍ୟାଳୟ, ର ଦୃଷ୍ଟିହୀନ ଓ ଶ୍ରବଣହୀନ ଛାତ୍ରଛାତ୍ରୀମାନେ ଗଞ୍ଜାମ ଜିଲ୍ଲାପାଳଙ୍କ କାର୍ଯ୍ୟାଳୟରେ ଯାଇ ଜିଲ୍ଲାପାଳ ଙ୍କୁ ରାକ୍ଷୀ ବାନ୍ଧିଲେ।ଜିଲ୍ଲାପାଳ ସେମାନଙ୍କୁ ଆଶୀର୍ବାଦ କରି, ସଦା ସହଯୋଗ କରିବାର ଆଶ୍ୱାସନ ଦେଲେ।
ଛାତ୍ରଛାତ୍ରୀମାନଙ୍କ ହସ୍ତନିର୍ମିତ ରାକ୍ଷୀ ଓ କାର୍ଡ ଉତ୍ସବରେ ବିଶେଷ ଆକର୍ଷଣ ଆଣିଥିଲା।ସମାଜରେ ପ୍ରେମ, ସମାନତା ଓ ଅନ୍ତର୍ଭୁକ୍ତିର ସନ୍ଦେଶ ପ୍ରସାର ପାଇଁ ଏହି କାର୍ଯ୍ୟକ୍ରମ କବି ନରସିଂହ ମଠ ଦୃଷ୍ଟିହୀନ ଓ ବଧିର ବିଦ୍ୟାଳୟ ପକ୍ଷରୁ ଆୟୋଜିତ ହୋଇଥିଲା। ଶେଷରେ ମିଷ୍ଟାନ୍ନ ବଣ୍ଟନ ସହିତ କାର୍ଯ୍ୟକ୍ରମର ଶେଷ ହେଲା।
