ପଞ୍ଜାବ ଓ ଜାମ୍ମୁରେ ରାତ୍ରିକାଳୀନ ଟ୍ରେନ୍ ସେବାକୁ ସାମୟିକ ଭାବେ ବାତିଲ କରାଯାଇଛି।

ନୂଆଦିଲ୍ଲୀ,୧୧।୦୫ (କଳିଙ୍ଗ ଜାଗରଣ ବ୍ୟୁରୋ):- ପାକିସ୍ତାନ ସହ ଉତ୍ତେଜନାପୂର୍ଣ୍ଣ ସ୍ଥିତି ଲାଗି ରହିଥିବା ବେଳେ ଭାରତ ରେଳ ମନ୍ତ୍ରଣାଳୟ ପକ୍ଷରୁ ପଞ୍ଜାବ ଓ ଜାମ୍ମୁରେ ରାତ୍ରିକାଳୀନ ଟ୍ରେନ୍ ସେବାକୁ ସାମୟିକ ଭାବେ ବାତିଲ କରାଯାଇଛି। ବିଗତ କିଛି ଦିନ ଧରି ପାକିସ୍ତାନ ପକ୍ଷରୁ ଭାରତର ସୀମାନ୍ତବର୍ତ୍ତୀ ଅଞ୍ଚଳକୁ ଘନ ଘନ ଡ୍ରୋନ୍ ଓ କ୍ଷେପଣାସ୍ତ୍ର ମାଡ କରାଯାଉଥିବାରୁ ଯାତ୍ରୀଙ୍କ ସୁରକ୍ଷା ଦୃଷ୍ଟିରୁ ଏଭଳି ନିଷ୍ପତ୍ତି ନିଆଯାଇଥିବା କୁହାଯାଇଛି।